如是因，如是果。所以我哋應該畏因，而唔係畏果。
きしめん嘅由來眾說紛紜123，既不可考，亦無謂考。但係我哋知道現狀係就算local都唔係好食，將佢嘅優先順位擺喺うどん之後。唔止係我嘅觀察，甚至有書籍都寫話Menu一般會寫うどん，然後後面加行字乃至細字寫住「可以轉きしめん」4。換句話講，借大竹（2023）嘅說話嚟講就係大家唔係有一個好明確嘅意識要食きしめん5。
雖然きしめん喺名古屋乃至尾張美濃地域嘅context底下，真係只係打得薄啲嘅うどん6；但放喺全國context底下，譬如同大家都好熟悉的讃岐うどん嚟做比較對象，製麵時用嘅鹽水嘅鹽分濃度，相差幾乎一個double：製造讃岐うどん嘅鹽水嘅鹽分濃度係きしめん嘅二分之一7。據講點解きしめん乃至名古屋嘅うどん會高鹽份，係有三個原因：首先，高熱多濕嘅環境與天氣之下可以保護麵團8；其次，因為浸透壓嘅作用，可以用讃岐うどん嘅一半乃至三分一時間煮熟9；最後亦係最重要嘅原因，配合local市民嘅口味。高鹽分的麵條經過熟成之後，不但可以壓抑麵粉嘅臭味，仲可以令表面變得有透明感同時有啲al dente嘅食感10，更重要嘅係，同名古屋一帶慣用嘅味道濃重嘅だし，which mainly made with 室鯵同宗田鰹製造出嚟嘅木魚11，與及幾乎只係用豆釀造嘅たまり醤油12相輔相成13。
介紹完今日嘅主角きしめん究竟係咩，終於要入正題。かれん唔中意借古喻今，但見到local似乎遠離きしめん，同佢唔係幾熟。有麵家話平日通常係local嚟嘅日子得大概兩成嘅銷售係きしめん，去到週末紅日加埋國內國外觀光客先有五成14。於是乎，究竟點解local會同佢唔係咁熟呢？
平時唔食開自然唔熟。理所當然嘅廢話。但廢話得嚟的確歸納得到最大要因。於是乎，個問題自然就會變成，點解平時唔食開呢？冇乜機會食，可能真係。但係，明明local常年有整開賣開，點解會冇乜機會食呢？貴？似乎唔係。冇乜地方賣？睇落唔似。有其他食物更加吸引，冇足夠證據否定。睇書講原因有兩個。Supply side嚟講，單價唔高，但製作麻煩令店家唔係幾落力去賣15。Demand side咁睇，就係大家唔係好想去食。點解大家唔係好想去食，又有一半係supply side嘅歷史遺留落嚟嘅原因。據悉係因為一九七零至一九八零年代，機器尚未發達，但人手應接不暇，遂令太多店家粗製濫造16。老一輩嘅人覺得唔多好食，自然同佢遠離；唔帶後生一輩、唔同後生一輩嘅人去食，聽落又真係好合情合理。喺呢個咁合情合理嘅狀況底下，有啲舖頭索性將きしめん從menu精簡，齋賣うどん就算。
或者，好好煮好雲吞麵牛腩麵叉燒飯如此類推嘅本土食物，都真係避免重複慘痛歷史嘅好方法。
最後我都知道，啲source咁單一真係唔係幾好。只係，我都想有多啲唔同嘅source可以用。
- （一社）日本麺類業団体連合会/全国麺類生活衛生同業組合連合会, 「きしめんの由来」, https://www.nichimen.or.jp/know/zatsugaku/03/, Last Access: 22. Sept. 2024 ↩︎
- 農林水産省, 「うちの郷土料理 – きしめん」, https://www.maff.go.jp/j/keikaku/syokubunka/k_ryouri/search_menu/menu/kishimen_aichi.html, Last Access: 22. Sept. 2024 ↩︎
- 名古屋なんでも調査団（2019）, 「名古屋祗園うどん・きしめん調査報告書」, 名古屋市鶴舞中央図書館 ↩︎
- 大竹（2023）, 「間違いだらけの名古屋めし」, KKベストセラーズ, P. 172 ↩︎
- 同上 ↩︎
- 同上, P. 163 ↩︎
- 同上 ↩︎
- 同上, P. 164 ↩︎
- 同上, P. 167 ↩︎
- 同上, P. 164 ↩︎
- 姑且咁樣叫住先，一般講嘅木魚（食材）係かつお節；雖然唔同，但外觀比較接近，製法用途亦相近。 ↩︎
- 「しょうゆの日本農林規格」, 平成27年12月3日農林水産省告示第2596号 ↩︎
- 大竹（2023）, 「間違いだらけの名古屋めし」, KKベストセラーズ, P. 168-169 ↩︎
- 同上, P. 173 ↩︎
- 同上, P. 175-176 ↩︎
- 同上, P. 170-172 ↩︎